The Pursuit Of Happyness

開始時刻:凌晨12:50AM

唔知點解
我又有預感聽朝男友唔會黎
最近我一直都係咁，到底係了解佢多左
定係同佢距離遠左？我都唔知

或者可以話
女人對另一半既一舉一動都好敏感
甚至可以推測到男人下一步既行動係乜野
但我想講既係，有時女人都唔想呢Ｄ意料中事成為事實
原來所謂「心理準備」，實質上係「驚慌」
每次我都迫自己唔好將呢Ｄ事擺起心
箇中原因係唔想令佢覺得我好麻煩
亦都覺得佢可能真係好累
（但我對呢個原因係好有保留的）
或者睇到呢度，佢已經覺得我係個唔識體諒男友既女友了

近來，大家都開始少左ＳＭＳ
最初識果陣真係一日都十幾廿個
而家可能得兩三個，甚至係無ＳＭＳ
我而家係唔會主動打電話俾男友
亦都好少主動叫佢，但係男友一叫我
我就會主動同佢講好多野
原因都係一樣
就係唔想令佢覺得我係個好煩既女人
亦都唔鐘意自己咁無矜持

以前，我會諗下星期日點先可以令佢上黎都唔悶
例如好無聊咁ＤＬ定套我認為佢會喜歡睇既戲
而家，我已經唔想諗了，因為唔想突然落空
預期自己晒心機，不如自己鐘意做乜咪做乜
我曾經問自己：
到底而家咁樣，係唔係代表感情已經變質？
但係我到呢一刻再問心，我仲係好鐘意佢囉

當我同蔡老師一齊既時候
發覺佢對工作既投入係直接影響到我
我將自己個心交左出來
儘管我不懂欣賞抽象的意識形態藝術
其實我每日都在迫自己把愛情放在次一位
這不單是希望優化自己，也是工作目的

結束時間:凌晨2:12AM