The Pursuit Of Happyness

3月25日-3月30日

終於有機會去日本
第1次自己俾錢搭飛機
第1次同男友去外國
第1次去旅行唔跟團
好多好多的第一次-.-.......




下午2點機,晚上7點到關西機場
降落時心情最興奮，起初諗住行李要出耐
點知勁快搞店，出左機場就搭南海特急去難波
大阪都幾凍，不過感覺上冇香港咁寒
兔爸好快就搵到cross hotel
我地放底晒行李就拿拿林落去道頓堀搵野食同行街






HAHA
結果我地果晚
只係食左一盒燒八爪魚丸
超級好食-.-香港果D......god
之後再行左陣心齋橋
玩扭蛋機，俾我中正野
不過佢地好早收...9點幾已好多店close晒
好似11點左右返上酒店上網沖涼睇電視then sleep

第二日
我地去嵐山
即係高木直子介紹既嵯峨野
果度好古色古香，雖然櫻花好多未開
但門口有一棵已經開晒
好靚，仲有好多肥鴿行來行去−０−




相太多-.-......
識我既朋友想睇更多旅行照請到我facebook
http://www.facebook.com/profile.php?id=631805215

兔爸同我去左一間好特色既餐廳lunch
果度既GREEN TEA係有生以來飲過最好的
食完lunch去行天龍寺
由於沿途既店舖實在太吸引
有好多兔仔野，特別係賣hand made飾物果間
全部都係兔兔，真係好靚，我都買左一條吊飾丫
之後去行天龍寺同埋竹林
天龍寺由於櫻花未開晒
基本上只係睇個庭園lor
但都好有特色，我覺得ｄ榻榻米好涼-.-
同埋d紙門我係第一次見

竹林沿途好多大力車拉住d日本人遊覽
兔爸話想坐,但我就覺得要識聽日文先抵玩
因為可以聽埋導賞介紹嘛
嵐山真係好多寺廟
大大小小既都有，有人供奉狐狸
大部份店舖都係賣土產
其實竹林好浪漫，我覺得同兔爸一齊好幸福
跟住佢就好似乜都唔駛擔心咁
從另一角度來看，我其實都幾懶hahaha





我地走果陣係第一次搭日本既巴士
我乜都唔識，上左車唔知要拎飛
果陣都好累lu，起車度訓左陣
返到落京都JR站，去左手塚治虫紀念館
整左個刻名匙扣，哈哈！
夜晚食ｄｉｎｎｅｒ第一次食箱押壽司
十個好味呀！食完飯落返車站搭車回大阪
第二日咁就完左lu






第三日我地都係去京都
我記得果朝好早起身
因為要去信三郎度買布袋
果度ｄ袋都幾貴，不過我都買左個送俾呀媽
之後我地去行神社同花見小路
（呢２個沒什麼特別）

然後去清水寺
果度有ｄ人俾錢將自己個大名掛上去祈福
大多都係求戀愛
唔知係咪櫻花未滿開呢
我就覺得清水寺除左有好大隻兔仔之外
就無乜野睇，但係如果果度滿開晒
其實超靚，我地臨走時去大排擋食野
叫左個烏冬，嘩！又係勁好味
同香港果ｄ好大分別
兔爸話甜品最正喎







清水寺門口


大白兔!!!我的最愛呀-3-



下個目的地係二條城
果度本來有夜樓睇
不過一來未滿開
二來兔爸話驚夜晚影得唔好喎
我地入城睇，呵~~都係要除鞋的



傻兔爸-.-................



去完二條城已好肚餓
今日我地去拉面小路
之後去行百貨公司
果度有兩間兔兔專門店
d 野超靚 ,我睇左好耐都唔捨得走lor





值得一提既係
心齋橋間蟹道樂不可不試-.-
就算我地今次唔捨得入去食貴野
都建議兔爸一齊去買門口既燒蟹肉
下次去日本一定要入埋去試至得




第四日
去DENDEN town
果朝我地起酒店HEA到10點幾先出門口
去到其實都唔係好多SHOP開
不過D模型同玩貝我就覺得好睇
但唔會買果隻LOR
之後我地去通天閣
（呢個都係沒什麼特別）
都係睇下高處風景咁
下午去海遊館就唔錯
好多野睇，我最深刻印象就係條大八爪魚
同埋企鵝游水....HAHA
黃昏我地去搭摩天輪
去之前我地見到最美的櫻花
起摩天輪隔離個公園
雖然地方唔大
但係開左好多好多櫻花
而且係滿開果隻，
於是同兔爸起果度喪影

好感動
終於見到滿開既櫻花






我呢一日已經開始唔係好捨得日本
覺得時間每一日都過得好快
晚上我地起心齋橋食大阪燒
我仲叫左杯燒酎...日本真係多美食
成個行程除左100yen烏冬之外
樣樣野都超正，真係唔愁無野食


第五日
我地去大阪城天守閣
附近都開左好多櫻花
兔爸呢一日好開心咁又喪影左好多相
我呢一日，起天守閤就買左手信俾學生
下午返去難波
ｌｕｎｃｈ＋ｓｈｏｐｐｉｎｇ
今次我又食箱押壽司，正呀〜
shopping買左一個袋，四件衫...
黃昏我地去左梅田行街
呵呵，買左個三級布丁
我諗兔爸佢咁多日行程
最鐘意就係天守閤,
因為佢仲扮埋將軍影相
又係咁睇果d我都唔明既日本history
完全睇得出佢係幾咁enjoy









今次去日本
唔多唔少都俾對方睇到大家生活習慣
其中我可以話係毫無保留
平時係點，去到日本同兔爸住都係咁
無論係好同唔好既習慣都表露無遺-.-
我心裡覺得最美的...
是每朝睜眼第一眼看見的兔爸
還有兔爸每天緊握著我的手周圍去
還有吻的時候....還有很多很多的事情
這是我們兩年來最美的日子嗎?
回想起來，初相識的時候都有這種感覺
是甜的，我不會忘記

我知去旅行係會去上癮
這次當然唔例外
而且日本的確係一個唔止去一次就滿足既地方
所以出年我地再計劃去關西
希望出年日元無咁貴喇


第六日我地好早就去到機場
基本上係未訓醒
這次最美中不足的地方
就係夜機去早機返
浪費左一日時間
下次真係要買個時間靚既機票囉

今次實在太多相
成千張，就算是我們的facebook
合起來post出的照片大概只是一半
所有照片or短片
都要變成一隻DVD lu